Qiso Cajiib Ah. Aqriso

“ Waxaan Safar shaqo ku tegey Dalka maraykanka,Markaan nastay kadib ,waxaan aaday mid kamid ah Dukaamada lagu iibiyo alaabaha, anigoo sugaya in aan bixiyo lacagta alaabtii aan iibsaday, ayaa Dukaankii waxaa soo gashay gabar muslimad ah oo xijaaban, oo uu ka muuqdo daal oo siddata sanduuq culus, waxay u tagtay gabadhii xisaabiyaha ka ahayd dukaanka.

Gabadhii Muslimada ahayd aya tiri: Marwo shalay ayaan mishiinkan kaaga iibsaday $500 isaga iyo dhawr shay oo kale.

Gabadhii xisaabiyaha ahayd oo mashquulsan ayaa tiri: waan gartay ma waxaad doonaysaa in lagaa celiyo?

Gabadhii Muslimadda ahayd ayaa ugu jawaabtay: Maya, waxaan rabaa in aan lacagtiisa bixiyo!. 

Gabadhii xisaabiyaha ahayd oo weli mashquulsan aya tiri: Ma fahmin!! Miyaanad ii sheegin in aad shalay iibsatay?

Gabadhii Muslimadda ahayd ayaa tiri: Marwo weli ima aad fahmin, shalay ayaa kaa iibsaday mishiinkan iyo alaabo kale waxaana ku bixiyay Credit Card-ka, markii aan guriga soo galay oo aan eegay Warqad bixinta (invoice) ayaa waxaan ogaaday in aadan ku xisaabin ama aadan ku darin qiimaha mishiinkan,waxaan filayaa inaad ilowdey.

Sidaas darteed waxaan isku dayey inaan la xiriiro dukaanka si aysan adiga dhibaato kaaga soo gaarin arrintaas awgeed, balse saacadihii shaqada ayaa dhammaaday.

Marka waxaan go'aansaday saaka in aan fasax shaqadaydii ka soo qaato oo aan kuu soo qaado mashiinka, si aad u diwaangeliso oo aan lacagta u bixiyo, mana isticmaalo wax aanan lacagtiisa bixin.

Gabadhii Dukaanku si lama filaan ah ayay u istaagtay, iyadoo aad u yaaban oo eegaysa gabadha muslimada ah, intay laaabta gelisey ayay dhunkatay iyadoo ilmaynaysa oo leh ma fahmin sida aad u go'aansatay in aad shaqadaada fasax kasoo qaadato adigoo ka baqaya in shaqada layga eryo waliba adigoo sida mashiinkan aadka u culus weliba adigoon wax Khalada ah ku lahayn, Ee marwo maxaad u sameysay waxaan oo dhan?!!!

Gabadhii muslimada ahayd ayaa ku jawaabtay Islaamka ayaa I faraya in aan ilaaliyo amaanada iyo in aan ka fogaado xaaranta waxay u sharaxday micnaha aaminaada iyo islaamka.

Anigu Waan taagnaa intay Sheekadan oo dhan ay dhex marayso,waayo arin isoo jiidatay ayaan la kulmay .

Kadib, Gabadhii Dukaanku waxay u tagtay maareeyaheedii oo xafiiskiisa fadhiya, waxayna u sheegtay waxa ay samaysay haweenaydan Muslimadda ah.

Daqiiqado kadib, maareeyihi wuxuu shaqaalihii ku soo ururiyay dukaanka wuxuuna ka hadlay hab-dhaqanka gabadha Muslimadda ah, wuxuuna u sharaxay sida ay wax u dhaceen iyo sida ay gabadhani tusaale ugu tahay wanaaga wuxuuna yiri: 

waxay kudhaqantay wixi ay ka baratay diinteeda.

Kadib,qof kasta Gabadhii Muslimada ahayd wuxuu weydiiyey isagoo aad u xiiseeynaya diinta Islaamka waxayna ugu sharaxday si yaab leh oo ay ka muuqato kalsooni, khushuuc iyo daacadnimo,Weliba waxay ahayd Gabar wax gudbinta ku fiican.

Markii ay dhammaysay waxa uu maareeyihii Dunkaanku si adag ugu adkaystay in Mishiinka ay soo celisey ay hadiyada ahaan u qaadato, oo aanay wax lacag ah ka bixin,Lknse Gabadhii Muslimada ahyd ayaa si xushmad leh uga cudur daaratay inay ka aqbasho.

Waxayna sheegtay in ay doonayso abaal-marinta eebe ee aanay doonayn mashiinka,Waxayna tiri:

“ iga raali noqo ma doonayo in mashiinkan yar uu iga burburiyo abaal-marinta weyn ee Allah ,Kadib,intay lacagtii bixisay ayay iska baxday "

Waxa Qortay Khadiija Bin Qinah oo ka Shaqaysa TV-ga Aljazeera .